Бетоншы

Бетоншылар және тектес қызметтер саласындағы жұмысшылар темірбетон қаңқалар мен құрылыстарды тұрғызады, бетондарды қалыптауға арналған қалыптарды дайындайды, бетон беттерді нығайтады, қабырға тесіктерін немесе ұңғымалардың қаптама құбырларын цементтейді, цементтелген беттерді әрлейді және жөндейді және бетонның бетіне «терраццо» техникасы бойынша мозаика жұмыстарын орындайды.
Олардың міндеттеріне мыналар кіреді:
− темірбетон едендерді, қабырғаларды, резервуарларды, бункерлерді және басқа да бетонды құрылыстарды орнату және жөндеу;
− цементті қалыптауға арналған ағаш қалыпты дайындау немесе қалыпталған блокты құрастыру;
− қабырға тесіктерін немесе ұңғымалардағы қаптама құбырларды цементтеу;
− бетон құрылыстардың жоғарғы беттерін жетілдіру және тегістеу;
− цементтен, бояғыш пигменттен және мәрмәр ұнтақтарынан тұратын берік жылтыр жабынды еденге төсеу, яғни «терраццо» типіндегі бетон плиталарды дайындау.